ព្រឹត្តិការណ៍

08/04/2025

វៀតណាមម្ចាស់ការសម្របខ្លួនទៅនឹងស្ថានភាពពាណិជ្ជកម្មអន្តរជាតិថ្មី

(VOVWORLD) - ភ្លាមៗបន្ទាប់ពីសហរដ្ឋអាមេរិកបានប្រកាសដាក់ពន្ធលើទំនិញនាំចេញរបស់វៀតណាម វៀតណាមមានការឆ្លើយតបប្រកបដោយភាពបត់បែននិងសមស្របជាច្រើន។ បន្ទាប់ពីការសន្ទនាតាមទូរស័ព្ទរវាងអគ្គលេខាបក្សកុម្មុយនិស្តវៀតណាមលោក តូ ឡឹម និងប្រធានាធិបតីអាមេរិកលោក ដូណាល់ ត្រាំ នាថ្ងៃទី ៤ មេសានោះ នាយករដ្ឋមន្ត្រីវៀតណាមលោក ហ្វាម មិញជីញ បានដឹកនាំកិច្ចប្រជុំជាបន្តបន្ទាប់ដើម្បីស្នើដំណោះស្រាយឲ្យបានសមស្រប និងទូលំទូលាយនៅគ្រប់វិស័យចាប់ពីនយោបាយរហូតដល់ការទូត និងសេដ្ឋកិច្ច ដើម្បីមានការឆ្លើយតបដ៏សមស្របទៅនឹងគោលនយោបាយពន្ធគយរបស់អាមេរិកបច្ចុប្បន្ន។

07/04/2025

ជំនឿគោរពបូជាបណ្តាស្តេចហ៊ុង៖ ប្រភពនៃការកសាងផែនមហាសាមគ្គីភាពក្នុងយុគសម័យស្ទុះឈានទៅមុខ

(VOVWORLD) - ថ្ងៃទី ១០ ខែមាឃ តាមប្រតិទិនចន្ទគតិ គឺជាទិវាបុណ្យខួបបណ្តាស្តេច Hung ដែលជាទិវាបុណ្យទានដ៏ធំមួយ សម្រាប់ប្រជាជនវៀត ណាម ដើម្បីរំលឹកដល់គុណូបការៈកសាងប្រទេសជាតិរបស់បណ្តាស្តេចហ៊ុង។ ពិធីបុណ្យខួបបណ្តាស្តេចហ៊ុង ក៏ជានិមិត្តរូបនៃស្មារតីសាមគ្គីភាពជាតិ ដោយបញ្ជាក់ថា ប្រជាជនវៀតណាមទាំងអស់មានដើមកំណើតដូចគ្នា។ នេះជាកត្តាស្មារតីដ៏សំខាន់ក្នុងការបង្កើតកម្លាំងពលំក្នុងការការពារ កសាង និងអភិវឌ្ឍន៍ប្រទេស នាំប្រទេសជាតិឱ្យឈានចូល យុគសម័យស្ទុះឈានទៅមុខ។

04/04/2025

ហានិភ័យនៃអស្ថិរភាពសេដ្ឋកិច្ចពិភពលោក ដោយសារតែគោលនយោបាយពន្ធថ្មីរបស់អាមេរិក

(VOVWORLD) - ប្រធានាធិបតីអាមេរិក លោក Donald Trump កាលពីថ្ងៃទី ២ ខែមេសា បានប្រកាសថា លោកនឹងដាក់ពន្ធទៅមកលើដៃគូសេដ្ឋកិច្ចអាមេរិកជាង ១៨០ នៅជុំវិញពិភពលោក។ កាយវិការនេះ កំពុងបង្កើតភាពតក់ស្លុតនៅលើទីផ្សារពិភពលោក និងបង្កើនការព្រួយបារម្ភអំពីហានិភ័យនៃអស្ថិរភាពដ៏ធំធេងដល់ខឿនសេដ្ឋកិច្ចពិភពលោក។

03/04/2025

ការស្ទុះឈានទៅមុខក្នុងសមាហរណកម្មអន្តរជាតិ

(VOVWORLD) - អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោកតូ ឡឹម នៅថ្ងៃនេះមានអត្ថបទមួយដែលមានចំណងជើង ថា ការស្ទុះឈានទៅមុខក្នុងសមាហរណកម្មអន្តរជាតិ។ អត្ថបទនេះសង្កត់ធ្ងន់ថា សមាហរណកម្មអន្តរជាតិ គឺជាយុទ្ធសាស្ត្រដ៏សំខាន់មួយ សំដៅពង្រឹងឋានៈនយោបាយ ជំរុញការអភិវឌ្ឍសេដ្ឋកិច្ច ធានាសន្តិសុខជាតិ និងលើកកម្ពស់ឥទ្ធិពលរបស់ប្រទេសនៅលើផែនទីពិភពលោក។ ជាបន្តទៅនេះសូមអញ្ជើញលោកអ្នកនាងស្តាប់ខ្លឹមសារដកស្រង់ ក្នុងអត្ថបទរបស់លោកអគ្គលេខាបក្សតូ ឡឹម។

02/04/2025

ភាពតានតឹងកើនឡើងរវាងឆ្នេរទាំងសង្ខាងនៃមហាសមុទ្រអាត្លង់ទិក

(VOVWORLD) - ភាពតានតឹងរវាងសហភាពអឺរ៉ុប (EU) និងសហរដ្ឋអាមេរិកកំពុងជួបប្រទះនឹងភាពប្រេះស្រាំដ៏ធ្ងន់ធ្ងរ ដែលទាក់ទងនឹងបញ្ហាជាច្រើន។ គោលនយោបាយពន្ធបដិការថ្មីដែលរដ្ឋបាលប្រធានាធិបតី Trump ប្រកាសនៅថ្ងៃទី ២ ខែមេសា បន្តជីកជ្រៅក្នុងវិវាទរវាងសម្ព័ន្ធមិត្តទាំងពីរដែលធ្លាប់តែមានភាពកក់ក្តៅអស់រយៈពេលជាច្រើនឆ្នាំកន្លងមក។

01/04/2025

វៀតណាមគាំទ្រពហុភាគីនិយម និងគោរពទំនាក់ទំនងមិត្តភាពប្រពៃណី

(VOVWORLD) - ប្រធានរដ្ឋសភាវៀតណាមលោក ត្រិន ថាញ់មិន នឹងអញ្ជើញចូលរួមមហា សន្និបាតលើកទី ១៥០ នៃសហភាពអន្តរសភាពិភពលោក (IPU-150) នៅសាធា រណរដ្ឋអ៊ូសបេគីស្ថាន ហើយនឹងទៅបំពេញទស្សនកិច្ចជាផ្លូវការនៅសាធារណរដ្ឋ អាមេនី និងអ៊ូសបេគីស្ថាន ចាប់ពីថ្ងៃទី ២ ដល់ថ្ងៃទី ៨ ខែមេសា។ លើកកំពស់តួនាទី ជាសមាជិកដ៏សកម្មនៃវេទិកាសភាពហុភាគី ក្នុងការចូលរួម IPU-150 លើកនេះ វៀត ណាមបន្តរួមចំណែកយ៉ាងសកម្ម ពិភាក្សា ចែករំលែកបទពិសោធន៍ និងស្នើគំនិតផ្តួច ផ្តើមដើម្បីដោះស្រាយបញ្ហាប្រឈមរួមក្នុងបរិបទនៃស្ថានភាពពិភពលោកបច្ចុប្បន្ន។ ទន្ទឹមនឹងនោះ ពង្រឹងកិច្ចសហប្រតិបត្តិការមិត្តភាពប្រពៃណីជាមួយអាមេនី និងអ៊ូសបេគីស្ថានផងដែរ។

31/03/2025

វៀតណាមគូសបញ្ជាក់ពីបេសកកម្មអន្តរជាតិរបស់ខ្លួនក្នុងគ្រាសន្តិភាព

(VOVWORLD) - ត្រឹមតែរយៈពេល ២៤ ម៉ោង បន្ទាប់ពីគ្រោះមហន្តរាយរញ្ជួយដីនៅមីយ៉ាន់ម៉ាបានកើតឡើង ដោយស្មារតីជួយទំនុកបម្រុងគ្នាទៅវិញទៅមក និងការទទួលខុសត្រូវខ្ពស់ចំពោះ សហគមន៍អន្តរជាតិ វៀតណាមបានបង្កើតផែន ការយ៉ាងឆាប់រហ័ស ដើម្បីបញ្ជូនកងកម្លាំងទៅចូលរួមក្នុងជំនួយមនុស្សធម៌ និងជួយសង្គ្រោះគ្រោះមហន្តរាយនៅប្រទេសមីយ៉ាន់ម៉ាមួយរំពេច។ បេសកកម្មនេះមិនត្រឹមតែបញ្ជាក់ អំពីវិជ្ជាជីវៈ និងការត្រៀមខ្លួនជាស្រេចដើម្បីឆ្លើយតបលើគ្រប់ស្ថានការណ៍ របស់កងកម្លាំងប្រដាប់អាវុធវៀត ណាមប៉ុណ្ណោះទេ ប៉ុន្តែថែមទាំងបង្ហាញយ៉ាងរស់រវើកនូវស្មារតីអន្តរជាតិដ៏បរិសុទ្ធ មនុស្សសាស្ត្រ និងដើម្បីសន្តិភាពរបស់ប្រជាជនវៀតណាម ផង ដែរ។

28/03/2025

ជម្លោះរុស្ស៊ី-អ៊ុយក្រែន៖ ការមន្ទិលសង្ស័យអំពីលទ្ធភាពនៃការអនុវត្តកិច្ចព្រមព្រៀងឈប់បាញ់

(VOVWORLD) - បន្ទាប់ពីកិច្ចព្រមព្រៀងឈប់បាញ់រយៈពេល ៣០ ថ្ងៃលើហេដ្ឋារចនាសម្ព័ន្ធថាមពល សហរដ្ឋអាមេរិក រុស្ស៊ី និងអ៊ុយក្រែន នៅថ្ងៃទី ២៥ ខែមីនា ក៏បានប្រកាសកិច្ចព្រមព្រៀងជាគោលការណ៍ដើម្បីបញ្ឈប់សកម្មភាពយោធាអរិភាពនៅសមុទ្រខ្មៅ។ ទោះជាយ៉ាងណាក៏ដោយ ឧបសគ្គនាពេលបច្ចុប្បន្នបានបន្សល់ទុកនូវការមន្ទិលសង្ស័យជាច្រើនអំពីលទ្ធភាពដែលបទឈប់បាញ់ទាំងនេះអាចត្រូវបានអនុវត្តន៍លើមូលដ្ឋានជាក់ស្តែងក្នុងពេលឆាប់ៗនេះ។

27/03/2025

បេសកកម្មរបស់យុវជន

(VOVWORLD) - សារសំខាន់ដែលអគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោកតូ ឡឹមនិងនាយករដ្ឋមន្ត្រី លោក ហ្វាម មិញ ជិញទើបបានផ្ញើជូនយុវជនក្នុងឱកាសរំលឹកខួបលើកទី ៩៤ នៃការបង្កើតសម្ព័ន្ធយុវជនកុម្មុយនិស្តហូជីមិញ (២៦ មីនា ១៩៣១ - ២៦ មីនា ២០២៥) បានបង្ហាញយ៉ាងច្បាស់នូវបេសកម្មរបស់យុវជនក្នុងយុគ្គសម័យថ្មី របស់ប្រទេសជាតិ។ ប្រការនេះកាន់តែមានអត្ថន័យនៅក្នុងបរិបទដែលនាពេលថ្មីៗនេះ ការិយាល័យនយោបាយបានចេញសេចក្តីសម្រេចចិត្តលេខ ៥៧ ស្តីពីវិធីសាស្ត្រលោតផ្លោះក្នុងការអភិវឌ្ឍវិទ្យាសាស្ត្រនិងបច្ចេកវិទ្យា នវានុវត្តន៍ និងការផ្លាស់ប្តូរឌីជីថលជាតិ។

26/03/2025

ជំពូកថ្មីនៃទំនាក់ទំនងវៀតណាម-ប្រេស៊ីល

(VOVWORLD) - ទទួលការអញ្ជើញរបស់ប្រធានរដ្ឋវៀតណាមលោក Luong Cuong ប្រធានាធិបតី ប្រេស៊ីល លោក Luiz Inácio Lula da Silva នឹងមកបំពេញទស្សនកិច្ចផ្លូវរដ្ឋនៅវៀត ណាមចាប់ពីថ្ងៃទី ២៧ ដល់ថ្ងៃទី ២៩ មីនា។ ដំណើរទស្សនកិច្ចលើកនេះបានអះអាង នូវគោលជំហរដ៏ខ្ជាប់ខ្ជួនរបស់វៀតណាមដែលយកចិត្តទុកដាក់ជានិច្ចចំពោះទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការពហុវិស័យជាមួយប្រេស៊ីល ក្រោម ក្របខ័ណ្ឌទំនាក់ទំនងភាពជាដៃគូយុទ្ធសាស្ត្រ និងកិច្ចសហប្រតិបត្តិការលើគ្រប់ជ្រុង ជ្រោយជាមួយអាមេរិកឡាទីន ធ្វើឲ្យស៊ីជម្រៅថែមទៀត និងបើកឱកាសសហប្រតិបត្តិ ការថ្មីៗកាន់តែច្រើន។