(VOVWORLD) - ប្រព្រឹត្តទៅចាប់ពីថ្ងៃទី ២២ ខែតុលាដល់ថ្ងៃទី ២៤ ខែតុលានៅទីក្រុង Kazan សហព័ន្ធរុស្ស៊ី កិច្ចប្រជុំកំពូល BRICS ឆ្នាំនេះ ត្រូវបានរំពឹងថានឹងបន្តលើកកំពស់អង្គការនេះទៅជាប៉ូលអំណាចកំពូលនៃពិភពលោកទិសខាងត្បូងក្នុងទំនាក់ទំនងអន្តរជាតិ។
(VOVWORLD) - អញ្ជើញបង្ហាញរបាយការណ៍របស់រដ្ឋាភិបាលឆ្នាំ ២០២៤ ក្នុងសម័យបើកកិច្ចប្រជុំលើកទី ៨ រដ្ឋសភានីតិកាលទី ១៥ ដែលប្រព្រឹត្តទៅនាព្រឹកថ្ងៃទី ២១ តុលា នៅទីក្រុងហាណូយ នាយករដ្ឋមន្ត្រីវៀតណាមលោក Pham Minh Chinh បានអះអាងថា ឆ្នាំ ២០២៤ ស្ថានភាពពិភពលោកបន្តមានការវិវឌ្ឍន៍ដ៏ស្មុគស្មាញ ពិបាកទាយទុកជាមុនបាន ប៉ុន្តែស្ថានភាពសេដ្ឋកិច្ចសង្គមរបស់វៀតណាមក្នុងរយៈពេល ៩ ខែ ទទួលបានសមិទ្ធិផលជាច្រើន។ ចាប់ពីពេលនេះរហូតដល់ដំណាច់ឆ្នាំ ដោយស្មារតីច្នៃប្រឌិត ហ៊ានគិត ហ៊ានធ្វើ រដ្ឋាភិបាលប្តេជ្ញាចិត្តខិតខំបំពេញប្រកបដោយជោគជ័យនូវគោលដៅដែលបានដាក់ចេញ នាំប្រទេសជាតិបោះជំហានឈានទៅរកយុគសម័យថ្មីយ៉ាងរឹងមាំ ដែលជាយុគសម័យស្ទុះឈានទៅមុខរបស់ប្រជាជាតិ ដោយបញ្ជាក់នូវឋានៈរបស់ប្រទេសជាតិលើឆាកអន្តរជាតិ។
(VOVWORLD) - មហាសន្និបាតអន្តរសភានៃបណ្ដាប្រជាជាតិអាស៊ីអាគ្នេយ៍លើកទី៤៥ (AIPA-៤៥) ប្រព្រឹត្តទៅនៅទីក្រុងវៀងចន្ទន៍ (ឡាវ) ចាប់ពីថ្ងៃទី ១៧ ដល់ថ្ងៃទី ២៣ ខែតុលា។ ដោយប្រធានបទ "តួនាទីសភាក្នុងការជំរុញការតភ្ជាប់និងកំណើនគ្រប់ជ្រុងជ្រោយរបស់អាស៊ាន"AIPA-៤៥បង្ហាញនូវសារដ៏ខ្ជាប់ខ្ជួនរបស់ AIPA អំពីការពង្រឹងការតភ្ជាប់សេដ្ឋកិច្ចក្នុងតំបន់ និងរវាងអាស៊ានជាមួយដៃគូខាងក្រៅ បង្រួញគម្លាតអភិវឌ្ឍន៍ ឆ្ពោះទៅរកសហគមន៍អាស៊ាន ប្រកបដោយភាពធន់ ភាពស្អិតរមួត វិបុលភាព និងយកប្រជាជនជាមជ្ឈភាព។
(VOVWORLD) - មហាសន្និបាតតំណាងរណសិរ្សមាតុភូមិវៀតណាមលើកទី ១០ អាណត្តិ ២០២៤ - ២០២៩ បានប្រារព្ធយ៉ាងឱឡារិក នាព្រឹកថ្ងៃទី ១៧ តុលា នៅទីក្រុងហាណូយ។ ព្រឹត្តិការណ៍នេះមានអត្ថន័យពិសេសក្នុងបរិបទដែលវៀតណាមកំពុងព្យាយាមសម្រេចគោលដៅជាច្រើន ដើម្បីឈានចូលដល់យុគសម័យនៃការស្ទះឈានទៅមុខរបស់ប្រទេសជាតិ។ ស្មារតីនៃសាមគ្គីភាពត្រូវបានបំផុសឡើងយ៉ាងខ្លាំងក្លា ផែនមហាសាមគ្គីជន ជាតិទាំងមូលត្រូវបានរក្សារឹងមាំ នឹងក្លាយជាកត្តាសំខាន់សម្រាប់វៀតណាមក្នុងការសម្រេចរាល់គោលដៅដែលបានដាក់ចេញ។
(VOVWORLD) - ជាមួយនឹងការបើកទូលាយខឿនសេដ្ឋកិច្ច និងកិច្ចព្រមព្រៀងពាណិជ្ជកម្មសេរីទ្វេភាគី (FTA)ជំនាន់ថ្មី សហគ្រាសវៀតណាមកំពុងមានឱកាសជាច្រើនដើម្បីអភិវឌ្ឍន៍។ ជំរុញការផ្លាស់ប្តូរ ការអនុវត្តវិទ្យាសាស្ត្រនិងបច្ចេកវិទ្យា ជាមួយនឹងការជួយឧបត្ថម្ភពីយន្តការនិងគោលនយោបាយជាក់លាក់ សហគ្រាសវៀតណាមកំពុងបង្កើតសមត្ថភាពប្រកួតប្រជែងមិនត្រឹមតែនៅលើទីផ្សារក្នុងស្រុកប៉ុណ្ណោះទេ ថែមទាំងនៅលើទីផ្សារក្នុងតំបន់ និងជុំវិញពិភពលោកទៀតផង។
(VOVWORLD) - ជម្លោះរវាងអ៊ីស្រាអែល និងកងកម្លាំងហេសបូឡា នៅក្នុងប្រទេសលីបង់ កំពុងឡើងដល់កម្រិតថ្មីមួយដ៏គ្រោះថ្នាក់ជាង នៅពេលដែល ក្នុងរយៈពេលប៉ុន្មានថ្ងៃថ្មីៗនេះ កងទ័ពអ៊ីស្រាអែលត្រូវបានចោទប្រកាន់ថា បានអនុវត្តន៍ការវាយប្រហារមួយចំនួនប្រឆាំងនឹងកងកម្លាំងរក្សាសន្តិភាពរបស់អង្គការសហប្រជាជាតិនៅក្នុងប្រទេសលីបង់។
(VOVWORLD) - អនុវត្តការសន្សំសម្ចៃ និងប្រឆាំងការខ្ជះខ្ជាយដើរតួនាទីយ៉ាងសំខាន់ក្នុងដំណើរការកសាង និងអភិវឌ្ឍន៍ប្រទេសជាតិ។ នៅចំពោះមុខភាពចាំបាច់ក្នុងការបង្កើនប្រភពធនធាន និងជំរុញកម្លាំងប្រជាជន ដើម្បីនាំប្រទេសជាតិឆ្ពោះទៅកាន់យុគសម័យថ្មីក្រោមការដឹកនាំរបស់បក្ស ការងារបង្ការ និងប្រយុទ្ធប្រឆាំងការខ្ជះខ្ជាយនៅវៀតណាមកំពុងប្រឈមមុខនឹងតម្រូវការនិងភារកិច្ចថ្មីជាបន្ទាន់។ ប្រការនេះត្រូវបានអគ្គលេខាបក្ស ប្រធានរដ្ឋ លោក តូ ឡឹមលើ បានកច្បាស់ក្នុងអត្ថបទចុះផ្សាយ នាថ្ងៃទី ១៣ ខែតុលា ដែលមានចំណងជើងថា “ប្រយុទ្ធប្រឆាំងនឹងការខ្ជះខ្ជាយ”។
(VOVWORLD) - ទទួលសេចក្ដីអញ្ជើញរបស់នាយករដ្ឋមន្ត្រីវៀតណាមលោក ហ្វាម មិញជីញ នាយករដ្ឋមន្រ្តីនៃក្រុមប្រឹក្សារដ្ឋចិន លោក លី ឈាំង នឹងមកបំពេញទស្សនកិច្ចជាផ្លូវការនៅវៀតណាមចាប់ពីថ្ងៃទី ១២ ដល់ថ្ងៃទី ១៤ ខែតុលា។ ដំណើរទស្សនកិច្ចនេះបានធ្វើឡើងបន្ទាប់ពីដំណើរទស្សនកិច្ចប្រកបដោយជោគជ័យនៅប្រទេសចិនរបស់អគ្គលេខាបក្ស ប្រធានរដ្ឋវៀតណាមលោក តូ ឡឹម កាលពីខែសីហា ហើយនឹងបន្តជំរុញ ពង្រីក និងលើកកំពស់ប្រសិទ្ធភាព និងគុណភាពនៃវិស័យសហប្រតិបត្តិការនានា នាំកិច្ចសហប្រតិបត្តិការជាក់ស្តែងរវាងវៀតណាមនិងចិនឲ្យកាន់តែស៊ីជម្រៅនិងទទួលបានលទ្ធផលជាក់ស្តែងជាច្រើន។
(VOVWORLD) - មុននេះ ៧០ ឆ្នាំ នៅថ្ងៃទី ១០ តុលា រដ្ឋធានីហាណូយត្រូវបានរំដោះ។ សេចក្តីអំពាវនាវ តោះ! បងប្អូនជនរួមជាតិរដ្ឋធានី ក្រោកឈរឡើងដណ្តើមយកឯករាជ្យបានលាន់លឺរន្ទឺនៅនាសរទៈរដូវឆ្នាំនោះ ដូចជាតំណរតភ្ជាប់រវាងអតីតកាលនិងបច្ចុប្បន្នកាលអញ្ជឹង ដើម្បី៧០ឆ្នាំក្រោយ ប្រជាជនហាណូយសាមគ្គីគ្នា កសាងរដ្ឋធានីវីរភាព មជ្ឈមណ្ឌលនយោបាយនិងរដ្ឋបាលជាតិ ធ្វើឱ្យទីក្រុងហាណូយក្លាយជាកម្លាំងចលករសម្រាប់ការអភិវឌ្ឍរបស់ប្រទេសជាតិទាំង មូល រួមជាមួយប្រទេសក្នុងការឈានចូលសម័យកាលស្ទុះឈានទៅមុខ។
(VOVWORLD) - កំណើនសេដ្ឋកិច្ចរបស់វៀតណាមក្នុងត្រីមាសទីបីនៃឆ្នាំ ២០២៤ ត្រូវបានប៉ាន់ប្រមាណថានឹងឈានដល់ ៧,៤% ហើយក្នុងរយៈពេល ៩ ខែដំបូងនៃឆ្នាំ ២០២៤ សម្រេចបានប្រហែល ៦,៨២% ខ្ពស់ជាងការរំពឹងទុក នៅក្នុងបរិបទដែលសេដ្ឋកិច្ចនៃតំបន់ភាគខាងជើងមួយចំនួនបានរងផលប៉ះពាល់អវិជ្ជមានដោយសារព្យុះទីហ្វុង Yagi នៅខែកញ្ញាកន្លងមក។ ជាពិសេស ការកើនឡើង GDP ក្នុងរយៈពេល ៩ ខែដំបូងនៃឆ្នាំ ២០២៤ (៦,៨២%) គឺជាការកើនឡើងខ្ពស់បើធៀបទៅនឹងការកើនឡើង GDP ក្នុងរយៈពេលដូចគ្នាកាលពីឆ្នាំ ២០២៣(៤,៤%)។ ជាមួយនឹងកិច្ចខិតខំប្រឹងប្រែងនៃប្រព័ន្ធនយោបាយទាំងមូល មូលដ្ឋាន អាជីវកម្ម និងប្រជាជនទាំងមូល គោលដៅកំណើនសេដ្ឋកិច្ចឆ្នាំ ២០២៤ ស្ថិតក្នុងកម្រិតពី ៦.៥ - ៧% គឺគៀកមកជិតបំផុតហើយ។
