(VOVWORLD) - ពីគ្រឿងផ្សំរុក្ខជាតិឱសថដែលប្រមូលបានពីព្រៃឈើ បងប្អូនជនជាតិ Tay នៅភូមិ Pác Nghè ឃុំ Chợ Rã ខេត្តថៃង្វៀន បានបង្កើតរបរសិប្បកម្មធ្វើធូបប្រពៃណី អស់រយៈពេលរាប់សិបឆ្នាំមកហើយ។ មិនត្រឹមតែបង្កើតផលិតផលសម្រាប់បម្រើជីវភាពខាងវិញ្ញាណ និងថែរក្សាប្រពៃណីវប្បធម៌របស់ជនជាតិ Tay ប៉ុណ្ណោះទេ របរធ្វើធូបថែមទាំង បានបើកផ្លូវអភិវឌ្ឍន៍សេដ្ឋកិច្ចប្រកបដោយស្ថិរភាពសម្រាប់គ្រួសារជាច្រើននៅតំបន់ខ្ពង់រាបនេះទៀតផង។
(VOVWORLD) - ភូមិចម្លាក់គ្រឿងឈើវិចិត្រសិល្បៈ La Xuyen ឃុំ Yen Ninh ស្រុក Y Yen ខេត្ត Nam Dinh (ចាស់) បច្ចុប្បន្នជាឃុំ Vu Duong ខេត្ត Ninh Binh ត្រូវបានគេស្គាល់ដល់ជាយូរមកហើយ ជាលំយោលមួយនៃសិល្បៈចម្លាក់ឈើប្រពៃណីដ៏ល្បីល្បាញបំផុតនៅភាគខាងជើងប្រទេសវៀតណាម។ ដោយមានប្រវត្តិជាងមួយពាន់ឆ្នាំនៃការបង្កើត និងអភិវឌ្ឍ កន្លែងនេះមិនត្រឹមតែជាទីបង្អែកផ្នែកសេដ្ឋកិច្ចសម្រាប់ប្រជាជននៅមូលដ្ឋានប៉ុណ្ណោះទេ ថែមទាំងនៅតែរក្សាបាននូវលក្ខណៈវប្បធម៌ជាច្រើនដ៏ពោរពេញទៅដោយអត្តសញ្ញាណជាតិទៀតផង។
(VOVWORLD) - ភូមិផ្កា My Phong សង្កាត់ My Phong ខេត្តដុងថាប គឺជាតំបន់ដាំផ្កាសម្រាប់បុណ្យតេតធំជាងគេនៅក្នុងខេត្ត ទៀនយ៉ាង ចាស់ (ឥឡូវជាខេត្តដុងថាប)។ នេះជាមុខរបរប្រពៃណីដែលមានប្រជាជនរាប់រយគ្រួសារ ចូលរួមផលិត និងផ្គត់ផ្គង់ផ្កាបុណ្យតេតទៅកាន់ខេត្ត និងទីក្រុងជាច្រើននៅក្នុងតំបន់។ នៅពេលនេះ កសិករភូមិផ្កានេះ កំពុងជាប់មមាញឹកជាមួយនឹងការថែទាំផ្កាសម្រាប់រដូវបុណ្យតេត។ ពួកគេហូបចូក និងគេងនៅហ្នឹងសួនផ្កា ដើម្បីដាំ និងថែទាំផ្កា ដោយធានាឲ្យផ្ការីកស្របពេលនឹងបុណ្យតេត ជាមួយនឹងគុណភាពខ្ពស់បំផុត។
(VOVWORLD) - ភូមិ Ta So ១ សង្កាត់ Moc Chau ខេត្ត សឺនឡា គឺជាកន្លែងតាំងទីលំនៅរបស់ប្រជាពលរដ្ឋជនជាតិ Mong។ នេះគឺជាភូមិដ៏សាមញ្ញដែលមានចម្ងាយប្រហែល ២០ គីឡូម៉ែត្រពីមជ្ឈមណ្ឌលសង្កាត់ Moc Chau។ ធ្លាប់ចេះតែការបេះពោតនិងដាំស្រូវប៉ុណ្ណោះ ប្រជាពលរដ្ឋជនជាតិ Mong នៅទីនេះបានផ្លាស់ប្តូរ ក្លាយជាអ្នកផ្ដល់សេវាទេសចរណ៍សហគមន៍។ ក្រៅពីពឹងផ្អែកលើទេសភាពធម្មជាតិ ប្រជាពលរដ្ឋជនជាតិ Mong ក៏ផ្តោតលើការអភិរក្ស និងលើកកម្ពស់អត្តសញ្ញាណជនជាតិខ្លួន ដើម្បីទាក់ទាញ និងរក្សាភ្ញៀវទេសចរផងដែរ។
(VOVWORLD) - ក្រោយពីខេត្ត ឡាងសឺន បានរួមបញ្ចូលព្រំដែនរដ្ឋបាលមក លំហវប្បធម៌ និងអេកូឡូស៊ីនៃឃុំ Huu Lien ត្រូវបានពង្រីក។ ឃុំនេះទើបតែត្រូវបានវេទិកាទេសចរណ៍អាស៊ាន ប្រគល់ជូនពានរង្វាន់ទេសចរណ៍សហគមន៍អាស៊ាន ដែលជាការកត់សម្គាល់នូវកិច្ចខិតខំប្រឹងប្រែងរបស់ឃុំក្នុងការអភិរក្ស និងលើកកម្ពស់តម្លៃក្នុងស្រុកអស់រយៈពេលជាច្រើនឆ្នាំកន្លងមក។
(VOVWORLD) - កាំរស្មីព្រះអាទិត្យនារសៀលបានរសាត់បាត់ទៅហើយ ប៉ុន្តែសូរសំឡេងនៃការអារកាត់ និងការចោះដាប់ឈើ នៅតែបន្តបន្លឺឡើង។ សំឡេងដ៏ជិតស្និទ្ធទាំងនេះត្រូវបានផ្សារភ្ជាប់ជាមួយនឹងប្រជាជននៅភូមិសិប្បកម្មតម្បាញឫស្សី Thu Hong ឃុំ Xuan Mai ទីក្រុងហាណូយ អស់ច្រើនជំនាន់មកហើយ។ នាពេលល្ងាច សិប្បការិនីនៅតែផ្ដោតអារម្មណ៍យ៉ាងជក់ចិត្តនឹងការចោះដាប់លើដើមឫស្សីស្តើងៗ។ ក្លិនឫស្សីបានលាយឡំជាមួយសូរសំឡេងសំណើចរបស់បងប្អូនស្ត្រី ដែលធ្វើឲ្យបរិយាកាសកាន់តែកក់ក្តៅ។
(VOVWORLD) - ចាប់ពីថ្ងៃទី ១ ខែកក្កដា ឆ្នាំ ២០២៥ មក Hung Yen បានដំណើរការជាផ្លូវការនូវគំរូអាជ្ញាធរមូលដ្ឋានពីរកម្រិត (ខេត្ត និងឃុំ សង្កាត់)។ នេះគឺជារបកគំ ហើញ ក្នុងការកែទម្រង់ការរៀបចំក្បាលម៉ាស៊ីនដឹកនាំរបស់រដ្ឋ ស្របតាមគោលជំហរដ៏ធំធេងរបស់បក្ស។ ក្រោយរយៈពេល៤ខែអនុវត្តន៍ ការផ្លាស់ប្តូរដ៏វិជ្ជមាន និងច្បាស់លាស់បានបញ្ជាក់ពីភាពត្រឹមត្រូវ និងភាពទាន់ពេលវេលានៃគោលជំហរ ព្រមទាំងបង្ហាញពីការប្តេជ្ញាចិត្តផ្លាស់ប្ដូរថ្មី ហ៊ានគិត ហ៊ានធ្វើរបស់ខេត្ត Hung Yen នៅលើមាគ៌ាឆ្ពោះទៅរកការកសាងរដ្ឋបាលទំនើប និងមានប្រសិទ្ធភាព។
(VOVWORLD) - ក្រោយពីរយៈពេល ៥ ឆ្នាំអនុវត្តន៍កម្មវិធីគោលដៅជាតិសម្រាប់ការកាត់បន្ថយភាពក្រីក្រប្រកបដោយចីរភាព (២០២១ - ២០២៥) ខេត្ត Thai Nguyen សម្រេចបានលទ្ធផលវិជ្ជមានជាច្រើន។ ក្នុងនោះ ការជួយប្រជាជនឱ្យទទួលបានដើមទុនឥណទានគោលនយោបាយត្រូវបានចាត់ទុកថា ជាដំណោះស្រាយដ៏មានប្រសិទ្ធភាពមួយ ដែលរួមចំណែកដល់ការផ្លាស់ប្តូរជីវភាពរស់នៅនិងមុខមាត់នៃតំបន់ជនបទជាច្រើន។ ប្រភពដើមទុននេះមិនត្រឹមតែជួយប្រជាជនអភិវឌ្ឍន៍សេដ្ឋកិច្ចប៉ុណ្ណោះទេ ថែមទាំងបំផុសឡើងស្មារតីនៃភាពម្ចាស់ការឈានឡើងរួចផុតពីភាពក្រីក្រដោយខ្លួនទីពឹងខ្លួនទៀតផង។
(VOVWORLD) - ដោយតាមទាន់និន្នាការផ្លាស់ប្តូរឌីជីថល កសិករនៅតាមភូមិនានាក្នុងខេត្ត Dak Lak បានអនុវត្តន៍បច្ចេកវិទ្យា និងពាណិជ្ជកម្មអេឡិចត្រូនិក ដើម្បីអាចផ្សព្វផ្សាយផលិត ផល ព្រមទាំងនិទានរឿងរ៉ាវអំពីដំណើរការផលិតកម្មនិងភូមិឃុំ។ ពីនេះ ជនបទថ្មីនៅ Dak Lak មិនត្រឹមតែជាផ្លូវថ្នល់នានា និងផ្ទះសម្បែងប៉ុណ្ណោះទេ ថែមទាំងជាកន្លែងរស់នៅ ដ៏ទំនើបជាមួយនឹងឧបករណ៍ឆ្លាតវៃ និងការតភ្ជាប់ពហុវិមាត្រទៀតផង។
(VOVWORLD) - ប៉ុន្មានថ្ងៃថ្មីៗនេះ នៅពេលដែលរដូវទឹកឡើងមកដល់តំបន់ដីសណ្តទន្លេ Cuu Long ភូមិត្បាញសំណាញ់ Thom Rom ទីក្រុង Can Tho កាន់តែអ៊ូអរមមា ញឹក។ ប្រជាជនរាប់សិបគ្រួសារនៅទីនេះត្រូវធ្វើការទាំងយប់ទាំងថ្ងៃ ដើម្បីមានឧបករណ៍នេសាទគ្រប់គ្រាន់សម្រាប់ផ្គត់ផ្គង់ដល់ទីផ្សារ។
